Lewru ko taƴre e Ngaawe (Leydi)

Hammadi Jah : Lewru ko helitin'de e leydi, ko ɓooyi Ɗaŋre Ngaawe ko loopal leydi e jamɗe gulngal, ɗaŋel kayhaytowel felmii Ngaawe woodi ko ruuyi e loopal he murliɗi joñii, ko ɗuum yoori woni lewru men nduu ndu cooyneteɗen e mbewu. Naamnal: Mate e oon tuma ko ndi lerɓunoondi? Hammadi Jah :E oon tuma leydi ko loopal gulngal pattowal wonnoo, ɗaŋel goɗngel yani e mayri ndi dalƴi woodi ko ruuyi e loopal he fay dow, ko ɗuum wonti lewru. Naamnal: Ɗaŋe keewɗe ina mbaɗi lewru walla lebbi, mbele ɗiin noon ko no ndu ɗoo nih ngardi? Hammadi Jah: Ko noon tigi, walla tawa ko kedde kaaƴe doɓindaaɗe. Naamnal: Njiɗɗa wiide lewru ko loopal ummii ko leydi? Hammadi Jah: Loopal gulngal wonnoo, jooni kay ɓuuɓii yoori. Naamnal : Hol ko addannoo leydi ndi won'de loopal gulngal, pattowal? Ko ndi ɓadinoondi naange haa nguleeki mum ina fattina ndi walla ko ma fuɗɗoode tagoodi mayri jogoo oon sifa nde aaɓnoo? Hammadi Jah: Addani leydi ndi won'de loopal, to fuɗɗoode leydi woodaano, ko mooɓondiral e pelɓondiral kaaƴe e googondiral majje wulniɗe haa ɗe caayi, eɗe mahondira haa ɗe mahi leydi, haayre ɓadiinde fo fooɗee yana heen, leydi ndi ina ɓeydoo mawnude e murliɗe e wulde duuɓi miliyoŋaaji limtinɗi refti heen ndi woni e ɓuuɓde haa wertaango mayri yoori waɗi diƴƴe e henndu. Naamnal : seydi jah miin naamndal am ko mbeɗa nana mawɓe ina kaala konngol mbiya gila kaaƴe ko kecce mbela kaaƴe koko kecciɗnooɗe walla؟ so tawii ko ɗe kecce ɗe ngonnoo holko saabi ɗe njoori؟ Hammadi Jah : Kaaƴe kay ko kecciɗnooɗe sabu ko loopal gulngal ɗe ngonno e fuɗɗoode. Kono tan ndeen kam neɗɗo hoyɗaani woodde saka tawee. Fulɓe koddir tan ɗe meeɗiino hecciɗde hawri heen.